Letra Ellebogen En Vingers de Sliek De Zeesterre original

Een, twijje, drieje, en viere
Vertel deki, wa scheelt er mè je portiere
Loat de deure mo up e kiere
Wa winder zien gkommen vo 't pleziere

We zien ier were met e bomme van e nummer
Da je totje doet up en nere goan lik e drummer
Groot en sterk
lik e 4x4 hummer stoat vo je neuze
We zien der van de reuze
'Ellebogen en vingers' is vandaag de leuze
Oal jen handn ut je beuze
Stik ze no boven mo past up vo de serveuze
Of de garçonnn je ziet er biena
nog e klein bitje
joaj matje je rakt et plafong

Loat e ki jen ellebogen en vingers zien woa zit je woa zit je> (x4)

klopen lik gewente deur de stroaten mè me moaten
Otto's, geld en vrouwen is wata w'over proaten
Wien ist er ier de player? Wien ist er goe geschoapen?
Wie vecht er mè de vuste? Wie vecht er met e woapen?
Wien ist er ier aant dikkenekken? Wien ist er ier ant goapen?
Wie wilt er ier vanoavend va jundr slicht sloapen?
Niemand, dus kom je nie moeien in me zoaken
En zeker nie a je der zeker nie mee è te moaken
Oet je bezig mè jen eigen zoaken
Wan zelf va verre goa Sliek de Zeesterre je roaken
Mè ze teksten en muziek
Zowel mentaal als fysiek
't Is een echte woordtovenaar mè papier en bic
Ik meugen zeggen 'ik brieng bewegieng in 't publiek'
'k Zien pas vriendlijk met de baseball stick
Sliek Magestic, rechtstreeks van de zeeje
'k Zien ellebogen en vingers van 't podium toe de latste rije

Lat me ki jen ellebogen en vingers zien woa zit je woa zit je> (x4)

'k Spelen gèrn mè woorden
'k Spelen gèrn mè koarten
Visa en American @ hot lik de staf van St. Moarten
Of ze broere, St. Nikloaj
Ik vertalen geen teksten en 'k zien surtout geen papegoaj
Of e bastoard van e hoaj da wegzwemt mè d'ideejen van een ander
Ik willen e legende zien lik Willem Vermandere
'Ey yo Sliek, oe wist?'
gin spanders 't werd gweune tiet
voor e kir e twat anders
We zien 2002
Sliek en sidjaye goan in zeeje
Weer e kir ipniew
Weer met e niew ideeje
Were met e niewe smoake
Met e niewe brije
e schone vloed lik de Iezer en de Leie in de zeeje
We zien mè tweeje mo da wist je toch al
We kun toveren vo de micro
Just lik Maradona met de bal
wèn dr gnolle tweeje met e knal
niew ellebogen en vingers in de lucht
en daz al

Lat me ki jen ellebogen en vingers zien Woa zit je woa zit je?> (x4)