Letra Be Careful How Yuh Poop de Professa Nuts original

Cho
Be careful how yuh poop before di night done
yuh mighta end up with a body come dung
mi seh be careful how yuh poop before the night done
yuh might a end up with a body come dung

Verse 1

Get a check up from yuh doctor
Regula
suh yuh body nuh end up in a sick disaster
Mi nyam yam and banana fish and flour
Ackee
Porridge fi gi mi body nuff stamina
Diareah guh fi tek mi sake a milk powda
mi nyam 11 Jackfruit and 10 gizzada
mi drink...3 quart a milk a nyam 20 bulla
and den pooooop
Cool nuh maaassa!

Mek a try memba a when dat happen...
year before last round 10 past 7
mi deh ina mini van weh ram up full a people
si dung ina di back very comfortable
after mi pooop mi did kinda freighten
because mi feel supmen but mi neva too certain
either di seat did wet or a doo mi doo-doo
eh, all mi know mi si dung ina sitten'

One gal weh deh beside mi shi look and seh 'phewm!'
Mi look pon her and seh 'young lady whappen'
shi seh 'somebody poop'
mi seh 'mind anuh yuh....unu poop all di while and galang like a nuh unu'
Same time mi hear a old man seh 'uh uh, unu can't smell good, unu nose nuh open
poop nuh smell suh yuh a hear mi people
dat somebody weh fart suppose to shit to'

One dread did si dung with a piece a bamboo
hear a man: 'search di dread him did a eat mango'
Di dread lick him ina him head and seh ' a duppy deh pon yuh? unu search unu
self unu nuh have batty to?'

Everybody get up and start to argue and seh 'wi must find a who and kill with
beatin'
Mi mek sure bawl out, 'naaaaga people, why dem always a step ina dog doo-doo?'

Repeat Cho

Now di gal weh deh beside mi shi come in like scout
just a shoob up and a push up and a move all about
Hear mi nuh ina mi mind 'I wonder if shi find out'
So say...so thought
mi si when shi bow
and look dung pon mi foot and seh 'kiss mi blow wow!'
'one stop drive let mi off now, dis a man ya a sh*t up di bus to bull cow'
Shi look pon mi shoes it's like shi confuse
mi ask her if shi like di style shi bawl 'move'
den shi call one man and seh 'have mi excuse sah...look pon dat and tell mi if
it's sh*t dat or shoes'
Di man start laugh den mi hear him seh 'pheew, man yuh sh*t up yuh self?'
Mi seh 'move and guh yuh too faas a mi dinner mi did have unda deh and when di
bus drop ina pothole mi dinner throw weh'
Di man stop laugh den mi hear him seh 'eh, fi yuh dinner smell suh? A mussi
cook John Crow'
Mi seh 'no anuh mi dinner if yuh s-mell nutten, then a mussa me step ina di dog
doo-doo'
Di gal bawl out 'yuh lie yuh know sar...why yuh sh*t up self and a blame dog
for? A nuh dog doo-doo dat!'
Den mi shout 'den a wah?'
SHi get a piece a stick from a piece a ackee limb
A man si her and seh 'chuh...a wah dat mi sistrin?'
Shi seh 'mi wuk a Public mi do doo-doo cleaning, and a nuh dog doo-dat and mi a
guh prove it to him'
Shi dig and shi dig till shi find something
Shi seh 'look pon dat, dog nyam jimbolin?'
Shi neva stop dig till shi find di pumpkin and di two juju weh mi nyam dis
morning
di way mi get mad mi seh 'look mi sistrin....weh you a try prove nuh have no
meaning'
Mi look pon it and seh 'dog nuh nyam dumplin?'
Shi seh 'yes dat a true, but wah bout di tambrin'?'

Repeat Cho