Letra Canto De Andar de Luar Na Lubre original

Amence paseniño nas terras do solpor

as brétemas esváense coas raiolas do sol

meu amor, meu amor, imos cara o maior

miña amada, meu ben, imos polas terras do alén

acariña o silencio e escoita o corazón

que moitos dos teus soños latexan ao seu son

meu amor, meu amor, imos cara o maior

miña amada, meu ben, imos polas terras do alén

é tempo de camiño andar e de non esquecer

que o futuro que ha de vir é o que has de facer

meu amor, meu amor, imos cara o maior

miña amada, meu ben, imos polas terras do alén

e o sol vai silandeiro deitándose no mare

facéndonos pequenos con tanta inmensidade